Өмірбаян

Айдарханова Гаухар Берікқызы 2011 жылы әл-Фараби атындағы Қазақ ұлттық университетінде кадастр мамандығы бойынша оқуды бастады. 2015 жылы университетті үздік бітірді. 2018 жылы әл-Фараби атындағы Қазақ Ұлттық университетінің география мамандығы бойынша магистратурасын оқып шықты, 2019-2022 жж. «8D05202 – География» мамандығы бойынша докторантураны жалғастырды. 2016 жылдың мамыр-желтоқсан айлары аралығында әл-Фараби атындағы ҚазҰУ «Ғылыми-технологиялық парк» ШЖҚ МКҚК-да ассистент болып жұмыс істеді. 2018-2019 жылдар аралығында әл-Фараби атындағы ҚазҰУ «Ғылыми-технологиялық парк» ШЖҚ МКҚК-да кіші ғылыми қызметкері болып жұмысын жалғастырды. 2019 жылдан осы уақытқа дейін ҚазҰУ-дың география, жерге орналастыру және кадастр кафедрасында оқытушы болып қызмет атқарып келеді.